【盧偉聰刻意曲解「暴動罪」分化示威者】


  • 榮譽會長 Voo女神 高汁網民

    請廣傳,法律知識

    【盧偉聰刻意曲解「暴動罪」分化示威者】
     
    一個集會裡面有人破壞社會安寧,整個集會就係暴動,參與嘅人就觸犯暴動罪。呢個係《公安條例》入面嘅定義嚟。I repeat in Chinese: 一個集會裡面有人破壞社會安寧,整個集會就係暴動,參與嘅人就觸犯暴動罪。
     
    睇返《公安條例》第 19 條,「暴動」先決條件係有非法集會。呢度講嘅「非法集會」係由 18 條定義嘅,要「三人或以上結集在一起」、「作出擾亂秩序的行為」同埋「令人巧驚驚」。
     
    然後,如果出現非法集會,集會裡面出現破壞社會安寧(eg. 掟磚)行為,咁 整個集會都會成為暴動。唔會有「和平」同「暴力」參與者嘅分別。盧偉聰話如果示威者冇作出暴力行為就唔使擔心,係誤導甚至呃人嘅。(反正佢唔係你律師,你俾佢點咗係你問題)
     
    我又再重覆一次:你唔需要實際上做任何暴力行為,只需要參與嗰場被定性為暴動嘅集會就夠定你罪。呢個正正係 2016 年旺角事件被告點解幾乎全部被判參與暴動嘅原因之一。
     
    係咪好痴線?係架。呢個亦正正係點解有外國勢力質疑《公安條例》違反人權。
     
    如果最後「反送中」集會有人被判暴動罪,法律上所有參與同一個集會嘅人都係「暴徒」。亦唔好以為警方唔告你就冇事。香港普通法制度下刑事案件係冇追溯期間嘅。即係十年之後都可以告過你。到時政府換過,警務處處長同律政司都換過人,冇必要履行上任隨便講嘅說話架。
     
    所以唔好被誤導。只要有人被判暴動,其他和平示威者都有危險。一個都唔可以告,一個都唔可以告得得入。

    頭盔:我省略咗好多唔太關事嘅法律細節,不過我唔係律師,呢個唔係專業法律意見,想知自己有冇事就搵律師啦。Public service announcement 嚟,我冇錢收架。覺得我講錯隨便屌,反正我冇 (legal) professional reputation。

    https://www.elegislation.gov.hk/hk/[email protected]:00:00/s19



  • 泛民咁多律師,大律師,佢地會答到是否當日所有去遊行的人士是否法律中的一個集結(assembly),而集結是否又可再細分呢?而細分集結的行為又可否代表所有集結的行為?

    例如: 有部份香港人不滿香港政府政策,是否可說成香港人不滿香港政府?反之亦然。

    而集結又是否一定要身在現場 (例如: 在網上集結而令激使他人破壞社會安寧)?
    班律師可解答。
    記得問班律師攞白紙黑字的法律意見,若果唔好彩將來衰咗,可以告佢哋補償一下。




登入以回覆
 

  • 4
  • 1
  • 10
  • 1
  • 2
  • 1
  • 1
  • 1
  • 1