食個飯都中招?終於明白點解港人要被迫帶口罩😷



  • 今日放工時又行去食文記車仔麵。
    食完差唔多離開時,大約十點二十分左右間鋪頭突然開始落閘。

    E5E2AC19-5AB9-4CA5-BAC9-6466C7D20288.jpeg

    出面勁多白色的煙,落閘時有人衝左入黎,有個抱住隻玩具貴婦狗的女士被朋友扶住入左離坐低。個女士係咁喊,成手都係血。佢身邊的朋友幫佢禁實鼻止血,同埋話因為聞到催淚彈,所以搞到佢位女性朋友鼻膜流血。

    3613C66E-6DC7-4114-AC0F-80760D4588BE.jpeg

    00F3B7C0-180E-47D8-8B78-530F043EAF79.jpeg

    之後D煙開始攻入黎餐廳,就算落左閘都聞到成浸煙味。成個餐廳內的食客同伙記都中晒招。大家要即刻搵紙巾濕水噤住自己個鼻,有人隻眼流晒眼水,隔離枱有個哥哥著住件 press 衫的哥哥拎起個電話拍低餐廳內情況。

    799E16CC-FA1A-4E91-8E4A-66E8B44DAE5A.jpeg

    伙記嘗試用熱水撈粗鹽比我哋當住鹽水用,好彩餐廳內亦有人有帶少少細支裝生理鹽水比其他人用。餐廳內冇老人家,但係有個細路女,應該係同父母一齊黎食晚飯的,好彩有人身上有帶幾個口罩,遞左比個細路女用。流緊鼻血個女士仲喊緊口叫我哋抱佢哋隻狗去入D的地方避煙,我拎轉頭望下隻狗去左邊啦,原來有個好似係佢朋友的肥哥哥用佢著緊果件白色T SHIRT罩住隻狗,咁都比佢諗到。

    跟住有人話想出去,但係伙記驚打開閘出面的煙會攻晒入黎,所以冇開閘。有人問後門有冇得開比我走, 入面廚佬個哥哥仔無奈咁搖頭,原來後門一樣都係充滿煙味。

    4B2D7CEA-5C99-4EF9-BEDE-07DD764E161A.jpeg

    大家等左一陣出面有人拍個閘,我第一下念頭係諗"唔會係警察咁都要入黎抓人咁顛掛" 跟住原來係出面有人問我哋有冇人需要急救。之後又等左陣佢哋再拍閘叫我哋開閘,出面有幾個急救員係到叫我哋趁而家冇咩煙快D走。

    之後大家唔係即刻衝出去走人,而係去收銀排隊比錢埋單,香港人真美麗。

    374B2804-4CA3-4EE8-B65B-CBA7C2297DD0.jpeg

    香港已經變左 City of Tear Gas,催淚彈係化學毒氣,連街邊一個食店都食到咁應,附近的民居及老人院點算 ? 兒童,嬰兒,長者,流浪動物,長期病人聞到點算 ? 可能你會覺得催淚彈係香港已經放左過千粒,已成常態,大家食慣無問題。但請不要習已為常,常態不等於常理,更不代表合理。

    我覺得以後時時刻刻真係要帶定口罩同生理鹽水出街。點解會有人指責示威戴口罩呢 ? 我諗你試過聞催淚彈就會知原因。

    轉自TK Wong

    B9E401F7-7E20-4F59-B074-64EDE89DB01E.jpeg



  • 班警察有冇屋企人!


  • 高汁網民

    深水埗車仔麵店直擊克警亂射催淚彈 食客流鼻血 侍應避入厠所
    昨晚8時有深水埗街坊趁「鬼節」正日,於深水埗警署對開的行人路燒衣紙,警方後來竟然向在場人亂射催淚彈,更連累到附近食市的食客。居住於深水埗20多年的街坊孔小姐表示,自己自621示威起,從沒參與過任何一場示威遊行,對警察於民居亂射催淚彈感到憤怒,「安坐家中都要食彈我冇嘢好講。」


    source:


登入以回覆
 

ads