男友叫雞搵SP年底結婚點算好...

[littlegirl]

各位姊妹, 我好唔開心,心情唔知點咁, 又唔知自己做緊咩!

我同男朋友拍拖8年已同居, 本來開開心心年底結婚, 我地成日都好開心, 所有朋友都覺得我地好好,一直以為自己找到了幸福 (因為之前的所有感情，我都係被出賣果個，男友有第三者而分開的）。點知前排我電腦壞左，借左現任男友電腦用，我係從來唔查男友好信任的，果日突然見佢郵件無登出，好奇去看一下。睇到ｄ內容全部都係叫雞問價，仲有ｄ係搵性伴侶，佢同人地講佢有老婆，但想有刺激。原來已經係２，３年時間，間斷咁有呢ｄ郵件往來。果日佢出左街，後尾幾日我都好唔開心，因為好晴天霹靂，我未接受到日日訓你隔離既人係咁，覺得好陌生。

但我地一直相處都係好好的，試過有女人追佢（佢都知我係佢女友），靚條件幾好的，佢都唔理佢，因為咁我地感情更好，而我亦曾有人追，我都唔想破壞到大家呢段好關係，而無比任何機會，即使個男係我想要既條件。

我男友經濟能力比我差，我一直都有Ｄ懷疑自己係咪應該搵個經濟能力好Ｄ既，不過因為佢人好，對我好，所以我覺得女人搵老公都唔係有物質先開心，最緊要大家開心愛大家。

而家發生咁既事，果晚佢知道我唔開心，係咁問咩事，我爆左出來話你做咩叫雞等？佢開頭唔應，之後佢都應左，佢好驚人我知。之後佢再講多Ｄ，原來係我地第２年開始已有，因為當時貪玩，而我地段感情又發展太快，佢都好驚，因為佢之前感情都係被出賣既一個。佢話當時有Ｄ白痴想法，怕我好似佢以前Ｄ女友咁出賣佢，所以佢做左Ｄ先出賣我既野，之後近兩年因為工作壓力太大（呢個真既，佢成日唔開心，食唔到野等），我又成日出左街無人陪（佢無咩朋友的，因為好Ｄ朋友都出哂國），所以又去左玩呢Ｄ抒發，佢話佢明可能係借口，開頭真貪玩，好耐無，係近來工作先咁。

我地傾好多日，我好矛盾，因為年底結婚，對佢已經好似家人既感覺，而且我都唔細，３０中了，如果再搵，可以Ｄ男人又係咁，好驚。開唔開心，傾左好耐，佢話唔知點比番安全感我（其實一直好多，只係呢件事令我對佢陌生），佢第二日把自己私人戶口取消哂，比哂Ｄ錢我，以後我比錢佢用，因為佢唔知可以做到咩。。但求我結婚。。繼續攪，到時真係唔ＷＯＲＫ，無左Ｄ錢唔怕，因為佢知佢會做番個好男人。

我開頭接受左佢既條件，以前我係一個好開心，開朗既人，而家間歇性會唔開心，想喊，唔知自己想點咁，佢都知我有時好情緒，佢話佢明，佢話我地一定可以慢慢修補去番以前咁。

各位姊妹，我係咪好蠢？？有時想佢叫雞都係肉體，好過心靈愛上別人，可以原諒？因為自己又唔細了，佢一直紀錄都好好，所以我選擇左咁。
有Ｄ人會話既然原諒，應放下唔好提，但真係好困難，有時我都會講少說話佢聽，佢都就，佢話知道唔易，不過叫我比最後一次機會佢。

我矛盾係，大家未結婚已有一條刺，仲可以繼續結婚生仔，開心嗎？大家可唔可比Ｄ意見我。有無人原諒過自己男人，後尾都可以開花結果？心態如何？

[susuki]

我上年同你情況一樣，最後我都係選擇離開

[bonnie]

結婚是為了面子還是依然喜歡他？

[fafa]

我好明白呀...即係明明你咁多年努力去砌既1千塊砌圖...明明只係差十幾廿塊就砌好,突然間俾人搞亂哂散哂咁
我同佢依家都好辛苦囉,因為佢知道自己係好錯,佢都好內疚,佢見我唔開心佢又唔知點咁,我朝頭早冇野,
到夜晚訓覺前又會諗起件事,差不多日日都會喊,情緒好反覆,佢就想我唔好再諗呢件事,叫我諗將來,叫我放低咁囉
我自己都好明白,決定左跟住佢就應該放低呢件事,唔行出呢一步就冇可能再前行
我有時又覺得,我咁多年都忍你就你,到今日發生咁既事,我都係要忍,我覺得好無奈,但愛佢又冇辦法...唉
佢愈話愛我,我就諗唔明點解今日會發生咁既事,佢既情況直頭係成個頭中左落去第二女人度玩到唔記得我咁滯,
但佢又同我講由頭到尾佢都係玩還玩,我既位置冇任何人可以取代到

[yinyeah2003]

情非得已💔

[步兵升騎兵]

我睇到佢話"怕你好似佢以前Ｄ女友咁出賣佢，所以佢做左Ｄ先出賣你既野"既時候我覺得呢個男人真係信唔過..
佢怕你hurt 佢所以hurt 咗你先呢個原因真係好無理..

不過佢又比晒啲錢你洗, 又好似真心想改過,
你又仲鐘意佢想結婚, 咁不如keep住先

但你記住就算結咗婚都要錫自己多啲,
因為呢個男人有咩事未必會犠牲自己保護你

[maymay]

無可能接受到，難保結婚後，佢當左你係性伴侶。諗清楚好。結左婚再離婚，對女人來說係一件好沉重的壓力。寧願唔結再搵過，不過最重要係你自己點諗。

[天河浪人]

佢想玩咪玩囉, 你唔想結咪唔想結囉
做自己想做既野咪算

[Howing Ng]

我覺得大家分開一下，畀時間雙方整理一下情感較好：
男的固然要檢討自己，在女友 與 妓女中應選擇誰？
女方同時亦要問自己：沒有對方自己會怎樣？
如果分開過後仍彼此掛住對方，就可再續前緣。相反其中一方已覺得不可惜，就不如永久分開好了。

[susuki]

@howing-ng 男人就係食得煮家飯多有時就心思思想出去食

[Tat Bo Au]

佢唔飽之過，你唔飽都想食嘢喇，好小小就自己揾五姑娘解決。

[是膠旦]

男友經濟能力比你差 都去搵SP.....好過你點做好?
劣質的婚姻 不如高質的單身

[Ying Wong]

不如分開下，冷靜下

[cindy]

壞男人信唔過

[Howing Ng]

@susuki 在 男友叫雞搵SP年底結婚點算好... 中說：

@howing-ng 男人就係食得煮家飯多有時就心思思想出去食

咁食得住家飯多係咪都要試下老婆紅杏出牆自己戴綠帽？
唔係呀嘛！

[舊使用者]

我反而覺得如果果個男人以家可信🤔
男人都係第一次唔珍惜
到佢哋失而復得嘅時候就會珍惜😂
同埋如果佢以家唔珍惜你又點會比全部錢你呢😂
P.S.以上都係個人感覺，最重要係你想點，如果你唔中意，比世界最好嘅你都冇用

[是膠旦]

@facj 在 男友叫雞搵SP年底結婚點算好... 中說：

我反而覺得如果果個男人以家可信🤔
男人都係第一次唔珍惜
到佢哋失而復得嘅時候就會珍惜😂
同埋如果佢以家唔珍惜你又點會比全部錢你呢😂
P.S.以上都係個人感覺，最重要係你想點，如果你唔中意，比世界最好嘅你都冇用

婚前試愛? XD

[m4a17878]

玩到咁你都打算留...留左一棵樹...

[Gilman Yuen]

感情問題一律建議分手

[XDxClown]

分得啦呢啲人