話咁快就到7月喇，夏日熱辣辣最好梗係留係屋企嘆冷氣睇動漫啦，唔講咁多即係送上7月4套最期待新番!!!

• 小林家的龍女僕S

https://www.youtube.com/watch?v=Sro80JOeFNw

推介指數: ★ ★ ★ ★ ★

S Stand For!!
Super
Supreme
Second life
Start !!!

想當年出第一季嘅時候引起好大迴響，哩套野亦爆紅，攪笑得黎又有少少肉睇，最緊要係有超級可愛嘅龍龍係到 劇情溫馨得黎又輕鬆，好適合放鬆嘅時候睇，係我係7月新番入面最期待嘅一套!!!!

7月7日放送開始

• 關於我轉生變成史萊姆這檔事 第二季 第2部

推介指數: ★ ★ ★ ★ ★

轉生成史萊姆就唔洗我介紹啦 根本係7月入面必追嘅一套，其實史萊姆係第二季下半部黎，所以我都唔知算唔算係新番 不過今季7月新番真係少好多，所以無辦法啦，將就下啦各位大佬

7月6日放送開始

• 月光下的異世界之旅
  路人樣主角

https://www.youtube.com/watch?v=O7m7Rc6PwfE

推介指數: ★ ★ ★ ★ ☆

故事大綱:
平凡的高中生深澄真，因故被異世界召喚成為「勇者」。
但是被那個世界的女神罵他「樣子醜」，立即剝奪他的「勇者」稱號，還把他拋到最盡頭的荒野。
與在荒野徘徊的真相遇的，是各種龍啊、蜘蛛、半獸人、矮人之類的非人種族。
真能夠利用他超越常識的魔術和戰鬥能力，越過與原世界的環境差異，經歷各種相遇，在這世界活下去嗎……

我真係第一次聽因為樣衰而被人剝奪稱號 但係我都因為第一次聽而去留意哩套野啦，睇完佢個PV都覺得幾有趣，睇落去都似係外掛異世界番，就睇下到時出嘅時候會唔會比到啲驚喜出黎啦!!

7月7日放送開始

• 暗黑企業的迷宮
  異世界社畜生活?

https://www.youtube.com/watch?v=QXVh2Gkkr2o

推介指數: ★ ★ ★ ★ ☆

故事大綱:

二之宮錦司因為討厭當為公司做牛做馬的「社畜」，而靠著各種努力與投資，終於達成不工作也有大筆收入的理想目標！然而他因陰錯陽差掉進異世界，再度踏入「社畜」的深淵⋯⋯！不過頭腦過人的他，即便身處血汗企業，仍絞盡腦汁，拼命為自己打造一條成功之路！但異世界中，卻充滿了許多他意想不到的難關，稍一不慎甚至會惹上殺身之禍⋯⋯？究竟他能否擺脫「社畜」的悲慘命運呢？

成日都睇異世界番，入面啲主角總係有Cheat engine，但係哩套個設定都幾攪笑，入異世界前唔想做社畜而變得有錢，點知入到異世界都係要做社畜 ，人地入異世界就做勇者，佢就做打工仔，如果你想睇異世界番但係想睇啲特別啲嘅，哩套值得留意下。

7月9日放送開始

今季7月真係有啲少新番，所以我淨係整理左以上四部我最期待嘅新番，7月新番都仲有幾套嘅，如果你有興趣可以留意下。

我遲啲都會整幾套新番嘅［驗貨推介］，如果你唔肯定想睇邊套嘅可以睇左我嘅［驗貨推介］再決定~~歡迎支持下我其他系列

邊套你再期待呢?歡迎係下面留言些牙下喔~~

@kevin-chung

https://www.youtube.com/watch?v=mzkAo-7mR6Y

講起鋼之鍊金術師點可以冇哩首

雖然唔係日文

@jjj-666

相信唔會有

擬真喪屍生存類遊戲始祖

遊戲開發商 : Bohemia lnteractive
推出日期 : 2013 年 12 月 16 日
類型 : 大型多人連線、擬真、生存、喪屍末日、第三/第一人稱射擊、散步模擬器
平台 : PlayStation 4、Xbox One、PC

簡介:

話DAYZ作為擬真喪屍生存類遊戲始祖絕對唔誇張，雖然對亞洲地區嘅玩家可能會比較陌生，但當初係歐美地區DAYZ係好熱門，而熱門就唔係冇原因嘅，DAYZ獨特嘅玩法─擬真寫實，吸引左大量嘅玩家，而其實DAYZ最初係ARMA嘅玩家整出黎嘅一個MOD，點知ARMA嘅擬真+喪屍生存原來係咁好玩，所以就開始研發DAYZ喇~~

作為喪屍生存GMAE，咁緊係有喪屍啦，但係最大嘅威脅唔係喪屍，而係人。
我玩左哩隻GAME一段較長嘅時間，而我係比玩家殺得多過喪屍，DAYZ嘅特點係擬真啊嘛，所以一死左，就咩都冇晒，SAVE LORD 大法都幫唔到你，要從頭開始，DAYZ入面啲物資仲要幾難收下，所以一死左都會幾頹下架，但係相反，一殺到人嗰種成功感都幾大，尤其係殺到啲滿裝嘅人，真係開心過中六合彩。

有邊個唔想咁型先~~~

除左人類玩家之外，野生動物都係玩家一大挑戰。

係DAYZ入面除左要留意其他玩家之外，都要注意野生動物嘅出現，因為佢地真係可以一野打死你

狼狼這麼可愛，怎麼可以殺狼狼
狼群係我成隻GMAE入面最驚嘅野，因此一聽到狼叫聲就知佢地黎搵我

不足之處:
其實DAYZ嘅地圖真係好撚大，我玩左咁耐都未行過晒成幅圖，所以可以探索嘅野真係好多，但係都有不足嘅地方。

因為地圖好撚大，所以見到狼啊、熊啊嘅機會仲多，反而行好耐先會見到人，而哩個情況係內陸更嚴重，因為多數重生點或者新玩家都會係外陸，因為外陸嘅物資較易搵，同埋多數人都會收集到一定嘅物資先入內陸，所以DAYZ先會比人戲稱散步模擬器 ，因為行路嘅時間仲多過你同人打交，因此係幾需要耐心去玩嘅一隻GAME黎。

其次，有多人GAME嘅地方就會有中国人嘅出現，有中国人就有外掛嘅出現，而DAYZ係好撚多外掛，外掛真係令到整體遊玩體驗差左好多，辛辛苦苦搵到靚裝，點知比外掛一槍打死，真係即係唔想玩落去，要去啲高PING啲server 先至好少少。

撇除地圖好撚大、同多外掛外，其實DAYZ都真係幾好玩，一開始對新手係唔太友善嘅，但係玩熟左、熟悉左遊戲機制之後，你就會真真正正咁體驗到DAYZ嘅樂趣，同時我都好建議一開始最好搵幾個朋友一齊玩，遊玩體驗會更好，或者搵個老手帶你玩，盡快熟悉遊戲機制，享受真正嘅DAYZ。

總括而言，哩隻GAME真係好需要玩家比啲耐性去玩，因為一開始真係冇任何guide，同埋要去學下睇地圖，搵身處地，同埋要摸索下遊戲機制，話晒都係擬真，有啲野真會好似現實世界咁，你可能會問買隻擬真GAME黎做乜，現實生活已經咁攰，我覺得你可以當哩隻game係你second life咁 ，係一個喪屍末日嘅世界入面，你玩落就知唔會好攰，有時行下睇下風景都唔差，同埋十分建議同朋友一齊玩。

有Friend一齊一玩真係會開心啲~~~

真係最後喇，DAYZ對電腦要求唔算高，但係如果你有SSD嘅話就會好好多，而宜家DAYZ 係steam 到做緊SUMMER SALE ，要入手就趁早啦!!同埋記得拉埋你啲朋友入手!!遊玩體驗UP!UP!UP!

STEAM:
HK$ 179.99(HK$ 299.99)
NT$ 779

以上所有圖片源於網上。

@nekoneko

哩首唔掂 一聽起就眼濕濕

@chun-keung-kwan

砲姐 哩首我細個成日都好鍾意聽

@kc

哩首小弟年資尚淺未聽過 但係頭先去search 左黎聽都唔錯喎

@mrl

哩首 超級病嬌feel，match晒成套野 都幾好聽

@luis-cheung

經典 冇睇過嘅人都識哼幾句

又我先

https://www.youtube.com/watch?v=dfMb37KGqdE

排球少年第三季OP BURNOUT SYNDROMES - Hikariare

一聽到前奏就即刻起晒雞皮，個人覺得係最熱血嘅動漫歌

建議可以睇左動漫嘅OPENING先~~ 效果更佳~
https://www.youtube.com/watch?v=oRAF2-Exzx4

如果你有其他覺得好聽嘅動漫歌都可以係下面留言分享喎~~~

可愛幼女V.S全能的神

• 故事

  故事主角原為生於21世紀初日本，因奉行極端理性主義而遭同事報復失去生命的精英上班族。死後被自稱神的「存在X」轉生到飽受戰爭的魔法世界一名名為譚雅·提古雷查夫的棄嬰。

  轉生後的世界雖擁有魔法，但科技水準相當於20世紀初的歐洲，主角誕生的「萊希」（可視為納粹德國與德意志帝國的綜合）為技術大國但因北方領土爭議，加上外交問題而跟其他國家陷入戰爭。

• 評分
  劇情：★ ★ ★ ★ ★
  作畫：★ ★ ★ ★ ☆
  設定：★ ★ ★ ★ ☆
  音樂：★ ★ ★ ★ ☆

———————————————————————————————————————————————————————————————————————以下部分內容可能涉及部分劇透—————————————————
—————————————————————————————————————————————————————

• 觀後感

  《幼女戰記》係2017年1月6日首播，全12話，而劇場版則2019年2月8日上映。

  你可能會被佢個名呃左入黎，當初我都係因為佢個名而去睇 ，但係睇第一集就發現佢同個名同個內容係有好大差別，除左個主角的確係幼女之外(雖然轉生之前唔係)，佢個劇情係一個轉生成幼女嘅上班族，因為具魔導適應性而被徵兵，原本諗住可以係從軍嘅路上得到輕鬆嘅後排工作，但係因為佢係軍校嘅表現太好，再加上佢極端嘅理性主義，就咁比人推左上前線。

啱啱轉生嘅主角為孤兒

具魔導適應性嘅主角

我相信異世界類型嘅作品大家都睇過唔少啦，多數異世界嘅設定都係魔法啊、冷兵器咁啦，但係你有冇諗過魔法X軍事都work架喎，魔法再加槍，係咪聽起上黎都覺得正呢，佢作為一套異世界嘅作品，佢嘅設定真係令人眼前一亮，再加上有小說嘅Backup，係劇情同設定上都唔會差得去邊，世界觀我覺得都幾完整同清晰，劇情睇落去唔會覺得悶，反而會期待下其他國家會有咩行動、世界局勢嘅轉變。

OP同ED都好聽嘅，而佢音效上都做得幾好，良好嘅音效加上流暢嘅打鬥場面，我覺得係優勝過唔少其他異世界類型嘅作品，劇情同設定上更加唔洗講啦，納粹德國VS盟軍VS共產仲要係有魔法加槍嘅設定喎。

我的影片1 00_00_11-00_00_48.mp4 取錄於第8集(晝面質素較差，請見諒)

如果你鍾意異世界類型，但係又覺得成日黎黎去去都係刀啊、劍啊再加魔法，咁哩套好值得你睇下，仲有悠木碧嘅傾力演出，令個主角嘅個性更突出(唔好睇完哩套再去睇狩獵史萊姆三百年，你會返唔轉頭)， 如果你鍾意軍事題材嘅，你更加唔可以錯過，佢戰術同設定上都有落足功夫，鍾意軍事嘅你哩套一定啱你。

《幼女戰記》幾日前都宣佈左第二季制作決定，大家可以睇完第一季同劇場版之後同我一齊期待 沙羅曼達戰鬥群嘅來臨~~

《幼女戰記》可於巴哈姆特動畫瘋或於MYSELF ANIME 上觀看。

最強幼女
.
.
.
.
.
.
.
.
.
.
.
.
.
.

反共產第一人

以上內容為個人意見，歡迎開放討論

我先

排球少年第四季24集

有人話哩季畫得有啲差，不過睇後少少真係越睇越燃!!!!
尤其係哩一幕，奇怪快攻 VS 雙胞胎快攻，真係正到扯晒旗!!!

少女們的救贖—奇 蛋 物 語

• 故事內容

  14歲的少女大戶愛在深夜散步時被謎樣的聲音所引導，並得到了一顆「蛋」。「若想要改變未來，現在只需做出選擇便可。來，相信自己，打破這顆蛋吧——」在打破這顆蛋之後，一名不知名少女破蛋而出，但卻有一群名為「視而不見」的怪物追殺他們，而大戶愛從少女口中得知，要脫離他們的追殺則要徹底打敗少女的心魔..........

• 主要角色

大戶愛

14歲，異色瞳的少女，亦因異色瞳而受到同學欺凌，同時因好朋友小系的死而不去上學。

青沼音瑠

14歲，褐色皮膚的麻花辮少女，性情沉默，不積極與人來往，現實世界已經是一家企業之社長。

川井梨花

14歲，金髮上帶有粉色挑染的少女。隨性行事，待人接物毫不膽怯。現實社會中為地下偶像，習慣從他人獲取金錢財物過活。母親是居酒屋老闆娘，經常抱怨生活。生父不詳。從小厭惡母親，想靠一己之力找出生父。

澤木桃惠

14歲，左眼下有淚痣的修長少女，外表像男生，很受女生的歡迎，但內心仍為女性，希望獲得如同一般女性的對待。

本尊、分身

(左:本尊 / 右:分身)

引導小愛4人進入蛋中世界的存在。在戰鬥時會給予提示。在人類之身時彼此為研究夥伴，從事研究為國家機密。後來拋棄人類的身體，成為有自主意識的人偶。

• 評分

  劇情：★ ★ ★ ★ ★
  作畫：★ ★ ★ ★ ★
  設定：★ ★ ★ ★ ☆
  音樂：★ ★ ★ ★ ☆

————————————————以下部分內容可能涉及部分劇透———————————————————

• 觀後感

  講真嗰句，係有《無職轉生》、《轉生成史萊姆》、《BEASTARS》同《約定的夢幻島 》等陣容強大嘅一月入面，《奇蛋物語》確確實實係一匹黑馬，先唔講劇情啦，我睇第一集最開頭就已經比佢嘅作畫驚艷到我，唔講我仲以為睇緊劇場版，唔止啲角色細節畫到足，場景嘅繪畫都靚到令人窒息，每個埸景我都覺得好唯美，同埋入面嘅戰鬥場面都好順暢，打緊嗰陣似熱血動漫，主角日常相處就似輕鬆類嘅動漫，就算唔講劇情，齋講畫面我都會認同佢係一部高分嘅作品。

到劇情方面，唔單止畫面優秀，《奇蛋物語》嘅劇情令套動漫錦上添花。
(以下內容涉及劇透)

—————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————————

四個主角都有想拯救嘅人而進入蛋中世界，而係蛋中世界入面佢地要幫助自殺嘅少女打敗心魔，而當幫到一定嘅數量嗰陣，佢地想拯救嘅人就會死而復生。
透過自殺哩個話題，去帶出無論係現今社會或日本社會嘅問題，每一個蛋中少女都代表一個議題，從欺凌到社會上嘅惡意批評，再到性罪行，就例如劇中嘅怪物---「視而不見」，就代表除在施凌者外，旁觀者嘅視而不見都令到被欺凌者得唔到即時嘅幫助而令事件惡化。

哩套唔單單係一套動漫咁簡單，佢所包含嘅訊息都好值得大家去深究。劇情推動充滿張力，睇到越後就越多關於套劇嘅世界觀出黎，而關於蛋嘅祕密都慢慢浮出水面，哩套動漫係要用少少腦睇嘅，但係非常值得一睇，你睇到最後可能好迷，唔緊要嘅因為我都係 ，但其實佢未完嘅，所有迷題都會係今個月嘅29號特別篇中揭曉，想睇嘅就好趁早睇喇!!!!!

作為一套原創作品，《奇蛋物語》真係一套優秀嘅作品，如果你覺得近排悶悶地嘅，哩套好值得你花時間去欣賞、去睇嘅作品，同埋佢嘅OP同ED都唔錯架，哩套我個人認為十分有潛質成為神作，神作喎你唔係唔睇啊嘛?

《奇蛋物語》全12話+即將播出嘅特別篇，有興趣嘅可以到MYSELF ANIME到觀看~~

#sorryfor1999

以上內容為個人意見，歡迎開放討論

                                  ***打破蛋殼，改變世界吧***

不良少年的愛情故事與時空穿越

故事內容：

二十六歲仍一無事處的主角花垣武道花在某天的早上，從早點新聞中得知自己的前女友日向及他弟弟，被捲入一個名為「東卐」的黑道組織鬥爭中而死去，因而回憶起了學生時代被東卍當奴隸的日子。

仍在回憶中的武道卻突然被摔下月台，從而回到過去遇見尚未死去的日向，及他的弟弟直人，並告知直人有關未來他們會死去的事並握手後，回到現代時站在面前的是直人，並告知他成功改變了未來。

而得知自己擁有穿梭能力的武道與直人攜手合作，穿梭過去設法阻止「東卐」的崛起，拯救注定會死的日向……

劇情：★ ★ ★ ★ ☆
作畫：★ ★ ★ ★ ☆
設定：★ ★ ★ ☆ ☆

—————以下部分內容可能涉及部分劇透—————

觀後感：

《東京復仇者》作為四月新番，截至而家暫時出左11集，而我覺得哩套係四月番中其中一套值得睇嘅番，設定方面不良少年X時空穿越係幾有趣嘅，亦因如此劇中都會包括好多不良少年嘅打鬥場面，而哩啲場面都畫得好流暢，除咗以上場面外，整體嘅作畫我都覺得唔錯，無論係人物細節、場景都見得下人每個人隻眼都鬼死咁大。

而劇情方面，可能會有人覺得推得有啲慢，但係我覺得目前為止嘅進度係ok嘅，而劇情嘅張力都做得幾好，起碼令我想快啲知道之後會點、會去緊張劇情嘅走向，尤其係主角去面對佢一生嘅陰影—清將嘅時候，真係令我好緊張主角贏唔贏到，而主角花垣同日向嘅故事都好吸引，好有細個嗰陣拍拖嘅純潔、初戀嘅感覺🥰🥰，同時主角同佢啲friends 嘅劇情都好有睇頭，由其佢親眼見到敦跳樓，之後回到過去救翻佢，再返到現代見到佢做到夢想嘅職業同在生後，真係有啲眼濕濕，除咗劇情之外，我覺得對於角色嘅刻劃都做得唔錯，可能有啲人會覺得主角好X廢，少少野就喊、放棄，有時唔知係到做乜鳩，仲要比人打多過打人，但係諗深一層同睇返個劇情，如果你頹廢左10幾年，無端端有一日要你穿越返去過去同班MK仔、黑社會打交，仲要面對奴役左自己成個學生時代嘅陰影同埋肩負着一條人命嘅責任，你可唔可以好冷靜咁去面對先，同埋當你做每一個決定嘅時候都會影響到未來，你會唔會好有信心咁去面對？即使主角真係廢，但係我覺得廢得合理、現實。
（其實穿越嘅設定上有啲Bug，但係唔影響觀感）

總括而言，《東京復仇者》係一套幾值得大家去追嘅番，撇除設定上少少嘅Bug之外，其他方面都唔錯嘅，佢嘅op都幾好聽，Jass style 令到首歌好有黑道feel~

《東京復仇者》預計播出26集，我覺得會跨季播放，如果你未睇嘅我十分推介你去睇，如果你睇左嘅歡迎喺樓下一齊討論～

之後我應該會繼續做唔同嘅動漫［驗貨推介］，除咗新番之外，我都有搵得值得睇嘅動畫介紹俾大家，如果你鐘意嘅意不妨留低個like同係下面留言啦～～～

以上內容為個人意見，歡迎開放討論

大喊包英雄