唔知大家平時有無留意過大陸樓，我就因工作原因去過大陸幾次，睇到大陸樓市確實發展得好快，不過確實冇考慮過要去大陸置業。加之今年好多港人都打算北上買樓，但又話驚爛尾、陷阱、環境差。

前幾日閑來無事係YouTube睇到一個視頻，系一個香港人分享佢係肇慶嘅租屋生活。哩種視頻唔少見，講到明好多都系大陸開發商投放嘅廣告。不過呢個視頻我竟然從頭到尾睇曬，並且對係大陸置業定居哩件事大為改觀！

先po個link出嚟：
香港人在肇慶](https://www.youtube.com/watch?v=QMoFqvfYGZ0&t=1338s)

第一，買餸唔洗出街
大陸叫外賣好方便，我都體驗過幾次。係APP度揀好落單，一般半個鐘左右就會有騎手送上門，送到來都仲系熱辣辣。不過原來宜家連買餸都可以叫美團？
物價比香港便呢個唔使講，最主要系新鮮！視頻個Ken Sir間屋係鼎湖山周邊，空氣清新水質又好，十五分鐘距離就有菜地，仲好似世外桃源添。
朝九晚五成日係出邊食快餐食到厭、又無衛生保障，上班一族如果唔系住家根本冇時間自己買餸煮飯，我都好想體驗到買餸嘅外賣！！

第二，睇電視超多選擇
好多人唔知，其實廣東系可以收到TVB、明珠台。宜家大陸基本普及「機頂盒」，系上面不但可以睇到各個頻道即時嘅節目，仲可以收看各類電影、回看節目，關鍵費用都唔貴喔，八舊都可以睇成一年。

第三，間屋真系好闊落
香港劏房、握手樓唔少，好多家庭住一間幾平方嘅屋仔，生活實在缺少幸福感。其實據我瞭解，同等價位係大灣區可以買套成千呎嘅屋，係香港根本唸都唔敢唸。

屋內闊，馬路都闊。其實主要系車少，空氣都清新d。如果想自己踩單車做下運動，有條專門嘅綠道，即系單車道，唔洗同大車小車行埋一條路。

每次講到買大陸樓，唔少朋友都會話：「筍盤內地人自己買啦，點會益你？使乜攞嚟香港賣？」
呢種說法其實不無道理，因為根本唔洗攞嚟香港賣，就已經一搶而空！幾個小時就被搶光，做乜鬼仲要嚟香港賣？筍盤要自己去搶架！
咁睇完視頻，我就覺得其實唔一定要去搶筍盤，租屋住都系唔錯嘅選擇，兩千蚊出頭住成千呎屋，物價低、生活方便，其實最適合養老。
當然，憑一個視頻好難熟悉到大灣區宜家真實嘅生活系點，我有位朋友分公司在北京，疫情前幾乎每星期都要上去，真真實實生活過，有資格說自己熟悉北京，但亦只限於北京而已，中國咁大，單就大灣區就有9個內地城市，有幾十個香港咁大，我就唸住等明年通關親自過去睇樓考察，到時再同大家分享親身所見！